مش عارف شو بدي اكتب، نفسي اكتب اشياء كتيرة بس يمكن كأني لسى مش متعود على الحرية، انا فعلا حاسس بحرية كبيرة اليوم مع أنه التغيير قد حصل خارج الحدود الاستعمارية ولكني استطيع ان اشتم عبق الحرية الذي ملأ الأجواء واطرب لسماع لحن الحرية الذي يعزفه الشباب المصري منذ الأمس فعلا يا جماعة ولأول مرة في حياتي أعتز بعروبتي، واعتز بأني من جيل التغيير، ولا ننسى شباب تونس العظيم الذي كان له السبق في ذلك ولكن التحول في مصر سيغيير معالم العالم ليس فقط معالم المنطقة. إقرا المزيد »
الاسبوع الماضي كان في عندي مشوار على الزرقاء، وبالترويحة طلعت بتكسي من الزرقاء لعمان فكان الشفير مشعوط (مشعوط: هو الشخص المستعجل في كل الامور وبالاخص السواقة) وكان ماخذ وضعية القيادة برجل واحدة يعني شالح من رجله اليسار وحاطها تحتيه وبسوق برجل وحدة (على اساس انه شفير عتوت)، المهم شو بدكم بطولة السيرة كلمة مني وكلمة منه وافقعه كف … عفوا ويبلش الحكي والحديث، فصار يحكيلي عن حاله إقرا المزيد »
هل طموحك ان تكوني بنت فايعة؟ هل تريدي ان تكوني عمّانية فايعة؟ الآن دليلكِ لتكوني بنت عمّانية فايعة ومن الآخر.
بس قبل ما أبلش بدي جد أفش قلبي شوي، يعني بدك تكوني فايعة؟ …. حرية شخصية وعلى عيني وراسي، بس ما تكون جريمة بحق الأناقة، والمكياج وبحق نفسك، يعني مش ضروري تحطي نص كيلو بودرة ومكياج ماله دخل ببعض فمشان هيك
النصيحة الأولى (الأناقة): اياااااكي ثم اياكي استخدام الألوان الهبلة إقرا المزيد »
في شب صاحبنا عامل حاله صاحب النظرية الرابعة في التوازن الإلتوائي في مدار نبتون وأحد اصحاب جائزة نوبل في العلوم، والمشكلة ما بتـفق معك على إشي، إلا على لا إله الا الله محمد رسول الله، غير هيك فلديه مجال للنقاش.
فقبل كم من يوم كنت مريض وطلعت على الدكتور وعم بحكي لصحابي: “والله اليوم رحت على الدكتور وقلي الاعراض اللي معي اعراض إنفلونزا، و .. ” ولسى بدي أكمل راح نطلي ابو العُرّيف وقال: “يا زلمة هالدكتور حمار، ولك روح وفش معك اشي، انا اصلا رحتله مرة هالدكتور وخليته يرجع يفتح كتب الجامعة لحد ما أقنعته انه معي رشح”. إقرا المزيد »
قررنا امبارح نطلع انا وعيلتي نغيير جو بعمان، بس كان السؤال الذي بطح نفسه ” لوين بدنا نطلع ؟ “، كانت الخيارات المطروحة هي
1- مكة مول.
2- سيتي مول.
3- كوفي شوب.
4- حدائق الملك حسين.
5- حديقة عامة في المنطقة.
6- مطاعم
لغينا خيار المولات لأنه عفنا حالنا منها، إقرا المزيد »
هل انت زلمة؟ عفوا قصدي هل انت زلمة بالجامعة؟ هل الأمور خرجت عن السيطرة وشكلك رح تحمل مادة هذا الفصل!؟ هل انت سنة رابعة ومش عارف تتخرج؟ …. الاااان الحل اصبح بين يديك … دليلك للنجاح بالجامعات الأردنية سيساعدك بوضع الدكتور بجيبتك الصغيرة و يضمن لك النجاح.
يجب عليك فقط اتباع أحد الأساليب التالية إقرا المزيد »
“فإذا كان من المألوف خروج المرأة مع زوجها في نزهة أو زيارة فكان من رابع المستحيلات أن ترى المرأة تسير الى جانب زوجها أو ان تشبك ذراعها بذراعه أو يدها بيده، وقد كان مستهجنا جدا مشهد رجل (وهو أحد كبار موظفي بلدية عمان) تجرأ اواخر الاربعينيات ،وكسر تلك القاعدة، فكان يشاهد وهو يسير في شارع الهاشمي، جنبا الى جنب زوجته، ويدفع امامه عربة طفلهما، لقد كان ذلك المشهد كافيا لدفع اصحاب الحوانيت كي يتركوا اعمالهم ويصطفوا أمام المحال ليراقبوا “الموكب” الذي يمر يوميا في ساعة محددة بين العصر والمغرب. ورغم تكراره اليومي، فقد ظل المشهد مستهجنا، مخالفا للعادات والتقاليد، وخروجا على آداب الطريق” هذا المقطع المقتبس من ذاكرة .. الزمن الجميل للمؤلف فؤاد البخاري يُظهر بوضوح علاقة الرجل بزوجته في اوائل القرن الماضي. إقرا المزيد »
كعادتي انا وولاد عمي في كل عام بنتلبس ( اي تم تلبيسنا بطريقة الخاوة) لفة مكوكية من اعمامي الكبار اللي بكونوا (كالعادة تعبانين) وما بقدروا انهم يطلعوا لمناطق بعيدة مستغلين موضوع انه لازم يعودوا الجيل الجديد على صلة الرحم، وبعد أخذ حصص تدريبية على مدى 4 أعياد تم تلبسينا رسميا بخروج مكوكي على نساء العائلة من الدرجة الخامسة في سلم القرابة.
الحلو في الموضوع، اني عمري ما شفتهم ولا بعرف اشي عنهم إلا انهم من العيلة، وبصراحة، أولها تغلبنا كثير، لأنه ما كنا نعرف العناوين ولا الوجوه فضلا عن جهلنا بالاسماء، وبتذكر اول عيد طلعنا فيه صار معنا موقف من الآخر، رحنا نعيد، فوصلنا على المبنى المطلوب إقرا المزيد »
أتمنى لكم عيد أضحى سعيد، وارجو من الله ان يأتي العيد القادم والأقصى محرر …
محمد البزلميط
.jpg/596px-City_Mall_Amman_(P).jpg "سيتي مول في عمان")
كنت ماشي امبارح في مول من مولات عمان، وكمظهر من مظاهر العيد، بتلاقي عمان كلها بالمولات، ومن الطبيعي تشوف شباب اشكالهم امريكية اللي لابس بنطلون ساحل واللي عامل شعره كريزي واللي “موكس″ والي عامل حواجبه، مناظر تقشعر لها الابدان، هل هذا شباب محمد ولا شباب Eminem و Fifty Cent وتامر واخواتها (مش خطأ مطبعي)، ولأ وشوف البنات كل وحدة عامله في حالها صرعة اللي حاطة خاتم بمنخيرها واللي حاطة حلق بلسانها واللي لابسه حجاب من فوق و”فيزون” من تحت إقرا المزيد »
أحدث التعليقات